دہشت گردی کے خلاف جنگ، پاکستان نے بھاری قیمت چکائی ، فرانسیسی صدرماکروں

فرانسیسی صدر ایمانوئل ماکروں اور پاکستانی وزیر اعظم عمران خان کے مابین ٹیلی فونک گفتگو ہوئی ہے۔ ماکروں نے عمران خان کو انتخابات میں کامیابی پر مبارک باد دی۔

بظاہر فرانسیسی صدر ایمانوئل ماکروں کے پاکستانی وزیر اعظم کو انتخابات میں کامیابی اور عہدہ سنبھالنے پر ٹیلی فون کر کے مبارک باد دینا معمول کی بات ہے۔ تاہم گزشتہ ماہ کے اختتام پر ایسی خبریں سامنے آئی تھیں کہ عمران خان پاکستانی صحافیوں سے ملاقات کر رہے تھے اور اس دوران انہوں نے صدر ماکروں کا فون سننے کی بجائے صحافیوں سے گفتگو کرنے کو ترجیح دی تھی۔ اس ضمن میں متضاد خبریں سامنے آنے کے باعث نومنتخب حکومت کو تنقید کا سامنا کرنا پڑا تھا۔

Times of lsIamabad

@TimesofIslambad
Federal government finally breaks silence over issue of call between PM Khan and French President Macron https://timesofislamabad.com/03-Sep-2018/federal-government-finally-breaks-silence-over-issue-of-call-between-pm-khan-and-french-president-macron …

1:36 AM – Sep 3, 2018

Federal government finally breaks silence over issue of call between PM Khan and French President…
ISLAMABAD – Foreign Minister Shah Mehmood Qureshi has finally broken silence over the issue of telephone call between PM Imran Khan and French President


اسلام آباد حکومت کی جاری کردہ پریس ریلیز کے مطابق فرانسیسی صدر نے عمران خان کو ان کی جماعت کے انتخابات جیتنے اور ان کے وزیر اعظم منتخب ہونے پر مبارک باد دی۔

پریس ریلیز کے مطابق صدر ماکروں نے دہشت گردی سے نمٹنے کی پاکستانی کوششوں کو سراہتے ہوئے یہ بھی کہا کہ پاکستان نے دہشت گردوں سے نمٹنے کے لیے بھاری قیمت چکائی ہے۔

دونوں رہنماؤں نے دو طرفہ تجارت اور تعلقات کو مزید مضبوط بنانے کی ضرورت پر بھی اتفاق کیا۔ اسلام حکومت کی جاری کردہ پریس ریلیز کے مطابق عمران خان نے صدر ماکروں کے ساتھ خطے کی صورت حال پر بھی گفتگو کی۔

عمران خان نے بھارت کے ساتھ تمام تنازعات کو حل کرنے کے لیے جامع مذاکرات کی بحالی کی اہمیت سے بھی آگاہ کیا۔ اس کے علاوہ وزیر اعظم خان نے صدر ماکروں کو دورہ پاکستان کی دعوت بھی دی۔